Landschaftsgärtner - Floristik und Gartenbau Eggenberger AG
A+ A A-

Landschaftsgärtner

Landschaftsgärtner gesucht.png

Bisch du eine miteme grüänä Duume?

Zur Ergänzig vo üsrem Team sueched mer nämli no än ufgstellte, idealerwiis au no erfahrene oder mindestens motivierte und wissbegierige Landschaftsgärtner.

Wenn du ä Händli für’s Grüä häsch, mit Maschinä chasch umgoh und Freud häsch, wenn en Garte dörf entstoh, denn bisch du bi üs richtig.

Mer sötted nämli nomol en Mitarbeiter ha, wo:

  • ·         Gärtner glernt hät (Idealerwiis Landschaftsgärtner EFZ)
  • ·         Dä Schegg fürs Auto hät
  • ·         Ä suubers Uftrete hät
  • ·         Flexibel isch, und abwechsligsriichi Arbet schätzt
  • ·         Kein Nohläufer isch. Mer bruuched öpper wo chli Grips hät und mitstudiert
  • ·         sich chan uf Dütsch verständige

Wa mer chönd büüte:

  • ·         Üsers Team isch motiviert und hät en guete Zämähalt, ä familiärs Klima isch üs wichtig
  • ·         Mer zahled aaständigi Löhn und hend ä fairs Arbeitsziitmanagement
  • ·         Au fürd Wiiterbildig chasch uf üseri Unterstützig zehlä
  • ·         I glaub än abwechsligsriichere und erfüllendere Job findsch kuum

Also, nutz diä Glägäheit, zum selbstständig chönä schaffe und dich wiiterzentwickle!

Bewerbigsunterlage muesch mir no kei schigge. Meld di doch eifach mol per Telefon. Bime Kafi lernt mer sich scho mol ganz guet kenne, alles wiitere luegemer denn...

Gartenheini

Heini Eggenberger

079 768 93 34

<>

Informationen

Fleurop-Partner
Visa MasterCard MasterCard

Kontakt

Floristik und Gartenbau Eggenberger AG
Bergstrasse 9, 9113 Degersheim
Tel. Degersheim: 0713711911
Nesslau: 0719941125
Flawil: 0713931629
www.gartenheini.ch
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Login